کاروار:21؍دسمبر(ایس اؤ نیوز ) ریاستی حکومت نے ریاست کے ضلع اور تعلقہ پنچایت حلقوں کے لئے ریزرویشن کا اعلان کیا ہے۔ جس کے مطابق اترکنڑا ضلع کی کل 54ضلع پنچایت حلقوں میں 27حلقے خواتین کے لئے ریزرو کئے گئے ہیں۔ اسی طرح تعلقہ پنچایت کی 121میں 66نشستوں کو خواتین کے لئے مخصوص کیا گیا ہے۔
50فی صد ریزرویشن کے مطابق تعلقہ پنچایت کے 121میں سے 61سیٹیں ریزرو کرنی تھیں مگر 5سیٹوں کا اضافہ کرتے ہوئے مجموعی طورپر 66 سیٹوں پر خواتین کو ریزرویشن دیاگیا ہے۔ ریزرویشن اصولوں کے مطابق 50فی صد سے زائد سیٹیں مختص کی جاتی ہیں تو انہیں ریزرویشن میں شمار نہیں کیاجائے گا۔ اترکنڑا ضلع میں 12تعلقہ پنچایتوں کی سیٹوں کومساوی طورپر تقسیم نہیں کیا جاسکتا، متعلقہ پنچایتوں کی تقسیم کا شما ر کیاگیا ہے اسی وجہ سے خواتین کو ریزرویشن کا فائدہ ہواہے۔
ریاست کی 30ضلع پنچایتوں سے 1101ممبران اور 239تعلقہ پنچایتوں سے 3671ممبران کو منتخب ہونا ہے۔ اس کے مطابق ریاستی حکومت نے پسماندہ ذات، درج فہرست ذات، پسماندہ اے اور پسماندہ بی طبقات کو ریزرویشن مختص کرنے کے بعد 19دسمبر کو اعلامیہ جاری کیا ہے۔
اترکنڑا ضلع پنچایت میں کل 54حلقوں میں سے خواتین کے لئے 27 نشستیں مختص کی گئی ہیں۔ ان میں سے پسماندہ ذات کے لئے 04(خواتین کے لئے 2)۔ درج فہرست کے لئے 01(خواتین 01)۔ پسماندہ گروپ اے 14(خواتین 07)۔ پسماندہ گروپ بی 04 (خواتین 02)۔ جنرل 31(خواتین 15) کے لئے ریزرو کی گئی ہیں۔اسی طرح اترکنڑاضلع کے تعلقہ پنچایت حلقوں کی ریزرویشن کی تفصیل مندرجہ ذیل خاکے میں دی گئی ہے۔
| خواتین | جنرل | پسماندہ بی خواتین | پسماندہ بی | پسماندہ اے خواتین | پسماندہ اے | درج فہرست خواتین | درج فہرست | پسماندہ خواتین | پسماندہ ذات | خواتین کے لئے ریزور | کل نشستیں | تعلقہ |
| 01 | 04 | 00 | 00 | 01 | 01 | 01 | 01 | 01 | 01 | 04 | 07 | ڈانڈیلی |
| 02 | 05 | 00 | 00 | 01 | 02 | 01 | 01 | 01 | 01 | 05 | 09 | جوئیڈا |
| 02 | 05 | 00 | 00 | 01 | 02 | 01 | 01 | 01 | 01 | 05 | 09 | یلاپور |
| 02 | 05 | 00 | 00 | 01 | 01 | 01 | 01 | 01 | 02 | 05 | 09 | منڈگوڈ |
| 02 | 05 | 00 | 00 | 01 | 02 | 01 | 01 | 01 | 01 | 05 | 09 | ہلیال |
| 02 | 05 | 00 | 00 | 01 | 02 | 01 | 01 | 01 | 01 | 05 | 09 | سداپور |
| 02 | 05 | 00 | 00 | 01 | 02 | 01 | 01 | 01 | 01 | 05 | 09 | انکولہ |
| 02 | 05 | 00 | 00 | 01 | 02 | 01 | 01 | 01 | 01 | 05 | 09 | کاروار |
| 02 | 06 | 00 | 01 | 02 | 03 | 01 | 01 | 01 | 01 | 06 | 12 | بھٹکل |
| 03 | 07 | 00 | 01 | 02 | 03 | 01 | 01 | 01 | 01 | 07 | 13 | سرسی |
| 03 | 07 | 00 | 01 | 02 | 03 | 01 | 01 | 01 | 01 | 07 | 13 | کمٹہ |
| 03 | 07 | 00 | 01 | 02 | 03 | 01 | 01 | 01 | 01 | 07 | 13 | ہوناور |